प्रतिष्ठित बर्गमन-१०२ सहनशक्ती स्पर्धेत प्रथम क्रमांक पटकावल्याबद्दल आमदारांनी केला यांचा सत्कार

आमदार आसिफ (राजू) सेठ यांनी बेळगाव शहर राखीव पोलीस दलातील श्री संगमेश आनी यांनी प्रतिष्ठित बर्गमन-१०२ सहनशक्ती स्पर्धेत प्रथम क्रमांक पटकावल्याबद्दल त्यांचे मनःपूर्वक अभिनंदन केले.
या उल्लेखनीय यशामागे त्यांची शिस्त, चिकाटी आणि अविरत समर्पण असल्याचे आमदारांनी नमूद केले. त्यांनी संगमेश आनी यांचा सत्कार करून अशा कामगिरीमुळे केवळ पोलीस विभागालाच नव्हे तर संपूर्ण जिल्ह्यालाही अभिमान वाटतो, असे सांगितले. सातत्यपूर्ण परिश्रम आणि जिद्द हीच यशाची गुरुकिल्ली असल्याचे त्यांनी अधोरेखित केले.

दरम्यान, या महिन्याच्या अखेरीस श्रीलंकेत होणाऱ्या आंतरराष्ट्रीय स्तरावरील स्पर्धेसाठी श्री संगमेश आनी यांना पूर्ण पाठिंबा देत आमदारांनी त्यांच्या उज्ज्वल भविष्यासाठी शुभेच्छा दिल्या. जागतिक स्तरावरही जिल्ह्याचे व देशाचे नाव उज्ज्वल करतील, असा विश्वास त्यांनी व्यक्त केला.