गुरुपौर्णिमा निमित्त श्री रिद्धी सिद्धिविनायक मंदिरात तीन दिवसीय श्री स्वामी चरित्र पारायणाला उत्स्फूर्त प्रतिसाद

गुरुपौर्णिमेच्या पार्श्वभूमीवर बेळगावातील महाद्वार रोड येथील कपिलेश्वर कॉलनीमधील श्री रिद्धी सिद्धिविनायक मंदिरात तीन दिवसीय श्री स्वामी चरित्र पारायण भक्तिमय वातावरणात संपन्न झाले. या पारायणात मोठ्या संख्येने स्वामीभक्तांनी सहभागी होत भक्तिभावाने सेवा अर्पण केली.

बेळगावातील महाद्वार रोड येथील कपिलेश्वर कॉलनीमधील श्री सिद्धिविनायक मंदिरात गुरुपौर्णिमेच्या निमित्ताने तीन दिवसीय श्री स्वामी चरित्र पारायणाचे आयोजन करण्यात आले होते. प्रतिक्षा महांतेश हालगी यांच्या नेतृत्वाखाली हे पारायण शिबिर अत्यंत भक्तिभावाने पार पडले.

दररोज सकाळी ९ ते ११ या वेळेत श्री स्वामी चरित्राचे सामूहिक पारायण करण्यात आले. पारायणानंतर श्री स्वामी समर्थ आणि श्री सिद्धिविनायकांची महाआरती करण्यात आली. मंदिर परिसरात स्वामी नामस्मरण आणि जयघोषाने संपूर्ण वातावरण भक्तिमय झाले होते.

या तीन दिवसीय सेवेमध्ये सुमारे ६० ते ७० स्वामीभक्तांनी उत्स्फूर्त सहभाग घेतला. श्रद्धा, भक्ती आणि गुरुसेवेचा संदेश जपत भाविकांनी पारायणाचा लाभ घेतला.

श्री स्वामी चरित्र हा अक्कलकोट निवासी श्री स्वामी समर्थ महाराज यांच्या दिव्य जीवनकार्यावर आधारित पवित्र ग्रंथ आहे. या ग्रंथाच्या पारायणामुळे मनःशांती, सकारात्मक ऊर्जा, श्रद्धा आणि गुरुकृपेची अनुभूती मिळते, अशी स्वामीभक्तांची श्रद्धा आहे. त्यामुळे मोठ्या संख्येने भाविक अशा पारायण सेवेत सहभागी होत असतात.

यावेळी प्रतिक्षा महांतेश हालगी यांनी माहिती देताना सांगितले की, गुरुपौर्णिमेनिमित्त उद्या बेळगावातील महाद्वार रोड येथे महाप्रसादाचे आयोजन करण्यात आले असून सर्व स्वामीभक्तांनी या प्रसादाचा लाभ घ्यावा, असे आवाहन करण्यात आले आहे. तसेच पुढील महिन्यातही तीन दिवसीय श्री स्वामी चरित्र पारायणाचे आयोजन करण्यात येणार असल्याची माहिती त्यांनी