आर्मी पब्लिक स्कूल, मराठा एलआयआरसी येथे रोटरी क्लब साऊथच्या सहकार्याने मुलींसाठी स्वच्छतागृहाचे उद्घाटन

बेळगाव, दि. २२ जून २०२६ : आर्मी पब्लिक स्कूल, मराठा लाइट इन्फंट्री रेजिमेंटल सेंटर (एमएलआयआरसी), बेळगाव येथे रोटरी क्लब साऊथ, बेळगाव यांच्या कॉर्पोरेट सामाजिक उत्तरदायित्व (CSR) उपक्रमांतर्गत नूतनीकरण करण्यात आलेल्या मुलींच्या स्वच्छतागृहाचे उद्घाटन सोमवारी संपन्न झाले.

या प्रकल्पाचा उद्देश विद्यार्थिनींना अधिक चांगल्या स्वच्छता सुविधा उपलब्ध करून देणे तसेच स्वच्छतेबाबत जागरूकता निर्माण करणे हा आहे. नव्याने उभारण्यात आलेल्या या स्वच्छतागृहात दोन भारतीय पद्धतीची आणि एक पाश्चात्त्य पद्धतीची प्रसाधनगृहे उपलब्ध करून देण्यात आली आहेत.

या स्वच्छतागृहाचे उद्घाटन *ब्रिगेडियर गिरीश उपाध्याय, बार टू सेना मेडल, विशिष्ट सेवा मेडल, अध्यक्ष – आर्मी पब्लिक स्कूल तसेच कमांडंट, मराठा लाइट इन्फंट्री रेजिमेंटल सेंट बेळगाव* यांच्या हस्ते करण्यात आले.

कार्यक्रमाला रोटरी क्लब साऊथ, बेळगावचे अध्यक्ष डॉ. गोविंद मिसाळे यांच्यासह इतर पदाधिकारी उपस्थित होते. यावेळी स्टाफ अधिकारी, शाळेचे प्राचार्य, शिक्षक, विद्यार्थी तसेच शाळा व्यवस्थापन समितीचे सदस्य मोठ्या संख्येने उपस्थित होते.

आर्मी पब्लिक स्कूलच्या व्यवस्थापनाने शाळेच्या मूलभूत सुविधांच्या उन्नतीसाठी दिलेल्या मोलाच्या योगदानाबद्दल रोटरी क्लब साऊथचे आभार मानले. नागरी समाज आणि सैन्य दल यांच्यातील सहकार्याचे हे एक आदर्श उदाहरण असून विद्यार्थ्यांच्या सर्वांगीण विकासासाठी अशा उपक्रमांचे महत्त्व अधोरेखित झाले.