अल्पसंख्याक विद्यार्थ्यांना टॅबलेटचे वाटप
बिम्समध्ये आमदार असिफ (राजू) सेठ यांच्या हस्ते कार्यक्रम

बेळगाव दक्षिण मतदारसंघाचे आमदार असिफ (राजू) सेठ यांनी अमान सेठ यांच्या उपस्थितीत बेळगाव येथील बिम्स वैद्यकीय महाविद्यालयाला भेट देत विद्यार्थ्यांना टॅबलेटचे वाटप केले. अल्पसंख्याक समाजातील उच्च शिक्षण घेणाऱ्या विद्यार्थ्यांना डिजिटल शिक्षणाची सुविधा उपलब्ध करून देण्याच्या उद्देशाने SCP/TSP योजनेअंतर्गत हा उपक्रम राबविण्यात आला.

MBBS, B.Sc Nursing तसेच इतर विविध अभ्यासक्रमातील 149 पात्र विद्यार्थ्यांना टॅबलेटचे वितरण करण्यात आले. विद्यार्थ्यांच्या शैक्षणिक प्रगतीस मदत व्हावी तसेच डिजिटल शिक्षण साधनांचा अधिक चांगला वापर करता यावा, यासाठी हा उपक्रम महत्त्वाचा ठरत आहे.

यावेळी आमदार असिफ (राजू) सेठ यांनी विद्यार्थ्यांशी संवाद साधत शिक्षणावर लक्ष केंद्रित करण्याचे आवाहन केले. विद्यार्थी हे देशाचे भविष्य असून राष्ट्राच्या विकासातील महत्त्वाची शक्ती आहेत, असे सांगत उपलब्ध संधींचा योग्य उपयोग करून उज्ज्वल भविष्य घडवावे, असे त्यांनी विद्यार्थ्यांना मार्गदर्शन केले.

SCP/TSP योजनेअंतर्गत करण्यात आलेले हे टॅबलेट वितरण शैक्षणिक सक्षमीकरण, डिजिटल समावेशन आणि गरजू विद्यार्थ्यांना संधी उपलब्ध करून देण्याच्या दृष्टीने महत्त्वाचे पाऊल मानले जात आहे. कार्यक्रमास अमान सेठ, बिम्सचे प्राध्यापक, विद्यार्थी तसेच मान्यवर उपस्थित होते.