बागलकोटमध्ये ₹32.50 लाखांची रोकड जप्त

बागलकोट : पोटनिवडणुकीच्या पार्श्वभूमीवर अक्रमित पैशांच्या वाहतुकीवर आळा घालण्यासाठी पोलिसांकडून कडक तपासणी सुरू आहे. या दरम्यान जिल्ह्यातील होन्नाकट्टी तपासणी नाक्यावर मोठी कारवाई करत ₹32.50 लाखांची रोकड जप्त करण्यात आली.

वाहन तपासणीदरम्यान संशयित कार थांबवून तपासणी केली असता कोणतेही वैध कागदपत्र नसताना मोठ्या प्रमाणात रोख रक्कम आढळून आली. अधिकाऱ्यांनी तत्काळ ही रक्कम ताब्यात घेतली.

प्राथमिक माहितीनुसार, ही रक्कम रायचूर येथील एका व्यक्तीची असून ती रायचूरहून बेळगावकडे नेली जात होती.

नगदी वाहतुकीसाठी कोणतीही अधिकृत कागदपत्रे नसल्यामुळे पोलिसांनी रक्कम जप्त करून गुन्हा नोंदवला आहे. या प्रकरणाचा पुढील तपास सुरू आहे.

दरम्यान, पोटनिवडणुकीच्या पार्श्वभूमीवर जिल्ह्यात कडक नजर ठेवण्यात येत असून, बेकायदेशीर पैशांची वाहतूक रोखण्यासाठी पोलिसांकडून विशेष मोहीम राबवली जात आहे.