सदलग्यात पौरकार्मिक दिन मोठ्या उत्साहात साजरा…

सदलगा

सदलगा नगरपालिकेमध्ये सदलगा नगरपालिका आणि कर्नाटक राज्य पौरसेवा नोकरांचा संघ सदलगा शाखा यांच्या संयुक्त विद्यमाने पौरकार्मिक दिन साजरा करण्यात आला.
या कार्यक्रमाचे प्रमुख पाहुणे उपविभागीय अधिकारी सुभाष संपगावी होते , अध्यक्षस्थानी मुख्याधिकारी शिवानंद भोसले होते.
कर्नाटक राज्य पौरसेवा नोकरांचा संघ सदलगा शाखेचे अध्यक्ष संजीव गुडे म्हणाले , पौर कार्मिकांनी आपल्या कर्तव्यासोबत आपल्या मुलांच्या शिक्षणाकडे कटाक्षाने लक्ष्य पुरवावे. प्रमुख पाहुणे उपविभागीय अधिकारी सुभाष संपगावी म्हणाले, पौरकार्मिक कर्मचाऱ्यांसांठी शासकीय स्तरावरील मदतीसाठी कटिबद्ध अहोत. सदलगा नगरपालिकेचे माजी नगराध्यक्ष अभिजीत पाटील म्हणाले, पौरकार्मिक कर्मचाऱ्यांच्यावर कामाच खूप ताण असतो तो निवारण्यासाठी यंत्रांचा वापर करावा. माजी उपाध्यक्ष यांनी पौरकार्मिकांसाठी क्वार्टर्स निर्माण करुन द्यावेत असे सुचविले. सर्व पौरकार्मिकानी सर्व सुरक्षा उपकरणे वापरुन स्वच्छता, साफसफाईचे काम करावे आणि आपल्या आरोग्याची काळजी घ्यावी. याचवेळी पौरकार्मिक दिनानिमित्त आयोजित विविध क्रिडा स्पर्धेतील विजेत्यांना बक्षिसे वितरीत करण्यात आली.
यावेळी नगरसेवक भीमराव माळगे, अत्ताउल्ला मुजावर, हेमंत शिंगे, प्रशांत करंगळे, रवी गोसावी, अभिनंदन पाटील, संतोष नवले, दऱ्याप्पा हवालदार,प्रकाश अनुरे, चिदानंद समगार, इलाई सनदी, सुनिल नंदे, कैलास माळगे, राजू अमृतसम्मान्नावर आदी उपस्थित होते. स्वागत आय बी सेशम यांनी केले, एम बी गौंडी यांनी स्वागत केले, विजयकुमार कोकणे यांनी आभार मानले