फलोत्पादन विभागाच्या कार्यालयासमोर धरणे आंदोलन

शेतकऱ्यांनी केला 19 लाख 28 हजार रुपयांचा गैरव्यवहार उघड

अधिकाऱ्यांनी केली शेतकऱ्यांची फसवणूक

अधिकाऱ्यांना सेवेतून बडतर्फ करा -शेतकऱ्यांची मागणी

रायबाग तालुक्यातील बस्तवाड गावातील शेतकऱ्यांनी कर्नाटक राज्य शेतकरी संघटना आणि हरित सेना यांच्या नेतृत्वाखाली आज बेळगाव येथील फलोत्पादन विभागाच्या कार्यालयासमोर धरणे आंदोलन करून अधिकाऱ्यांनी 19 लाख 28 हजार रुपयांचा गैरव्यवहार केला तो उघड केला आहे .

बागायत विभागाने शेतकऱ्यांना मंजूर केलेली योजना अद्याप ही लागू झाल्याने शेतकऱ्यांनी आज बेळगाव येथील उद्यान विभागाच्या कार्यालयासमोर आम्हाला न्याय हवा’ अशा घोषणा देत धरणे आंदोलन केले.

फलोत्पादन विभागामार्फत 2019 मध्ये अनुसूचित जाती व जमातीच्या शेतकऱ्यांसाठी 19 लाख 28 हजार योजना राबविण्यात आल्या. मात्र, एजंट आणि अधिकाऱ्यांनी प्रकल्पाचे पैसे न देता रायबाग तालुक्यातील बस्तवाड गावातील तीन शेतकऱ्यांची फसवणूक केली आहे. अधिकाऱ्यांनीच फसवणूक केल्याचा अहवाल जिल्हा पंचायत मुख्य कार्यकारी अधिकारी आणि सीआर सेलने यापूर्वीच दिला आहे. फसवणूक झालेल्या शेतकऱ्यांच्या खात्यावर निधी वर्ग करण्यात यावा आणि शेतकऱ्यांच्या कर्तव्यात कसूर करून भ्रष्टाचार लपवण्याचा प्रयत्न करणाऱ्या रवींद्र हकाटे, मारुती काकीमणी, अशोक कारेप्पागोला, शिवानंद सवसुद्दी आणि कल्लाप्पा गुडिमनी या वरिष्ठ अधिकाऱ्यांना सेवेतून बडतर्फ करण्यात यावे. अशी मागणी केली जो पर्यंत त्यांना बडतर्फ करण्यात नाही तोपर्यंत आमचा संघर्ष सुरूच राहणार असल्याचा इशारा शेतकरी नेते राघवेंद्र नायका यांनी दिला.

यावेळी शेतकरी नेते चुनप्पा पुजारी, प्रकाश नायक, रायबाग तालुक्यातील बस्तवाड गावातील शेतकरी, शेतकरी कर्नाटक राज्य शेतकरी संघटना, हरित सेनेचे कार्यकर्ते मोठ्या संख्येने सहभागी झाले होते.