महाराष्ट्राला जोडणारे पूल पाण्याखाली बेळगावला जोडणारे सर्व मार्ग बंद

बेळगाव

पश्चिम घाटात मुसळधार पावसामुळे जिल्ह्यातील सर्व नद्या दुथडी भरून वाहत आहेत. आतापर्यंत एकूण 36 पूल पाण्याखाली गेले आहेत. महाराष्ट्राशी सर्व रस्ते संपर्क बंद करण्यात आल्याचे जिल्हा पोलीस प्रमुख भीमा शंकर गुळेद यांनी आज पत्रकार परिषदेत सांगितले.

शुक्रवारी बेळगावात पत्रकारांशी संवाद साधताना ते म्हणाले नदी वरील बुडालेल्या पुलाजवळ कडेकोट पोलीस बंदोबस्त ठेवण्यात आला आहे. गेल्या तीन दिवसांपासून आम्ही, जिल्हाधिकारी आणि जीपीएमचे मुख्य कार्यकारी अधिकारी सातत्याने भेट देऊन नुकसानग्रस्त भागांची पाहणी करत आहोत आणि पूरग्रस्त गावांतील लोकांना स्थलांतरित करत आहोत.

मासेमारीसह इतर कोणत्याही कारणासाठी नागरिकांनी नदीच्या पाण्यात जाऊ नये. यासाठी जिल्हा प्रशासनाकडून मोठ्या प्रमाणात कार्यवाही करण्यात आली आहे. ज्या ठिकाणी लोकांना जाणे अवघड जाते तेथे बोटिंगची व्यवस्था करण्यात आली आहे. जिल्हा पोलिस विभागाने धोक्याच्या ठिकाणी बॅरिकेड्स लावले आहेत. जनतेने सहकार्य करण्याचे आवाहन त्यांनी केले.

महाराष्ट्राला जोडणारे पूल पाण्याखाली गेले आहेत. त्यामुळे बेळगावचे सर्व मार्ग बंद करण्यात आले आहेत. सध्या तरी पुराचा धोका नाही. अलमट्टी जलाशयातून २.७५ लाख क्युसेकवरून ३ लाख क्युसेक पाणी सोडले जात असल्याने पाणी शिल्लक नाही. कलोला बॅरेजमधून 2.2 क्युसेक आणि घटप्रभा नदीतून 60 हजार क्युसेक असा एकूण 2.95 लाख इतका पाणीसाठा होत असल्याने जिल्ह्यात कोणतीही अडचण नाही. मात्र, नदीकाठच्या ग्रामस्थांनी सुरक्षित स्थळी स्थलांतरित व्हावे, असे त्यांनी सांगितले.