अलारवाड येथे राष्ट्रीय महामार्ग प्राधिकरणाने काम सुरू केल्याने शेतकऱ्यांचे आंदोलन

महामार्ग प्राधिकरणाच्या अधिकाऱ्यांविरोधात शेतकऱ्यांचा संताप

अधिकाऱ्यांच्या गाडीला घातला घेराव

जेसीबीवर दगडफेक करून ठेकेदारावर हल्ला करण्याचा प्रयत्न

हलगा गाव ते मच्छे बायपास या महामार्गाच्या बांधकामाला न्यायालयाने मनाई केली असतानाही करत जेसीबीवर दगडफेक करून ठेकेदारावर हल्ला करण्याचा प्रयत्न केला.
शेतजमिनीतील महामार्ग बांधकामाच्या वादावरून गेल्या 11 वर्षांपासून शेतकरी न्यायालयात कायदेशीर लढा देत आहेत. न्यायालयात स्थगितीचा आदेश निघाला आहे. मात्र न्यायालयाने काम सुरू करण्यास सांगितले नाही. हे काम कोणी सुरू केले, असा सवाल करत शेतकऱ्यांनी राष्ट्रीय महामार्ग प्राधिकरणाच्या अधिकाऱ्यांविरोधात संताप व्यक्त केला.
राष्ट्रीय महामार्ग प्राधिकरणाच्या अधिकाऱ्यांच्या गाडीला घेराव घालणाऱ्या शेतकऱ्यांनी गाडीसमोर बसून काम सुरू झाल्याची कागदपत्रे दाखवण्यास सांगून संताप व्यक्त केला.
हिरेबागेवाडी पोलिसांनी घटनास्थळी पोहोचून शेतकऱ्यांची समजूत घातली, मात्र न जुमानलेल्या शेतकऱ्यांनी राष्ट्रीय महामार्ग प्राधिकरणाचे अधिकारी घटनास्थळी येईपर्यंत घटनास्थळावरून हटणार नाही, असा दम दिला.
उच्च न्यायालयात शेतक-यांना विश्वासात घेईपर्यंत काम सुरू करू नये. जोपर्यंत शेतकऱ्यांना नुकसान भरपाई मिळत नाही, तोपर्यंत कोणतेही काम करू नका, अशा सूचना देऊनही काम सुरू झाल्याबद्दल शेतकऱ्यांनी नाराजी व्यक्त केली.
यावेळी राजू मरवे , प्रकाश नायक, रवी पाटील, श्रीराम सेना हिंदुस्थानच्या अध्यक्ष रमाकांत कोंडुसकर आदी शेतकरी नेते उपस्थित होते.